அலைச்சறுக்கில் அசத்தும் அரசு பள்ளி மாணவிகள் - கைகொடுத்த அமெரிக்க தூதரகம்..!

சென்னை அடுத்த கோவளத்தில் அரசு பள்ளி மாணவிகளுக்கு நீச்சல் மற்றும் அலைச்சறுக்கு பயிற்சி அளிக்கப்பட்டது.

பெண் குழந்தைகளின் வாழ்க்கை திறனை மேம்படுத்த அமெரிக்க தூதரகத்தின் சார்பில் கோவளம் கடற்கரையில், அரசு பள்ளி மாணவிகள் 23 பேருக்கு 3 நாட்கள் பயிற்சி வழங்கப்பட்டது.

ஆழ்கடல் நீச்சல் பயிற்றுநர்கள் மற்றும் அலைச்சறுக்கு பயிற்றுநர்கள் மூலம் பள்ளி மாணவிகளுக்கு இந்தப் பயிற்சி அளிக்கப்பட்டது.

இதில் ஆர்வத்துடன் பங்கேற்று பள்ளி மாணவிகள் நீச்சல் மற்றும் அலைச்சறுக்கை கற்றுக் கொண்டனர்.

ஆரம்பத்தில் கடலைப் பார்த்து பயமாக இருந்ததாகவும், பயிற்றுநர்கள் சிறப்பாக தங்களுக்கு பயிற்சி அளித்ததாகவும் மாணவிகள் மகிழ்ச்சி தெரிவித்து உள்ளனர்.