தனி விமானத்திற்காக மாலத்தீவில் காத்திருக்கும் கோத்தபய ராஜபக்சே - சிங்கப்பூர் அரசு செவி சாய்க்குமா?

தனி விமானத்திற்காக மாலத்தீவில் காத்திருக்கும் கோத்தபய ராஜபக்சே - சிங்கப்பூர் அரசு செவி சாய்க்குமா?

இலங்கை அதிபர் கோத்தபய ராஜபக்ச சிங்கப்பூர் செல்வதற்காக, மாலத்தீவில் 2வது நாளாக காத்திருப்பதாக தகவல் வெளியாகியுள்ளது. மக்களின் போராட்டத்தை அடுத்து, விமானப்படை விமானம் மூலம் கோத்தபய ராஜபக்ச நேற்று மாலத்தீவு சென்றார். அங்கும், கோத்தபய ராஜபக்சவுக்கு எதிராக போராட்டங்கள் நடைபெற்றதால், நள்ளிரவில் சிங்கப்பூர் ஏர்லைன்ஸ் மூலம் சிங்கப்பூர் செல்ல திட்டமிட்டார். ஆனால், பாதுகாப்பு காரணங்களால் அந்த விமானத்தில் அவர் செல்லவில்லை. இதையடுத்து, தனி விமானம் மூலம் சிங்கப்பூர் செல்ல முடிவு செய்த கோத்தபய ராஜபக்ச, தனி விமானத்திற்காக நேற்று மாலையில் இருந்து தற்போது வரை காத்திருப்பதாக தகவல் வெளியாகியுள்ளது.