"கட்அவுட்டுக்கு கெட் அவுட்" - ரசிகர்களுக்கு விஜய் போட்ட ஸ்ட்ரிக்ட் உத்தரவு

கட்அவுட், ஃபிளக்ஸ் பேனர் போன்றவற்றை தனக்கு வைக்க வேண்டாம் என்று ரசிகர்களுக்கு நடிகர் விஜய் உத்தரவு பிறப்பித்துள்ளார். 10 மற்றும் 12-ஆம் வகுப்புகளில் அதிக மதிப்பெண் எடுத்த ஏழை மாணவர்களுக்கு உதவித்தொகை வழங்கும் விழா, சென்னை நீலாங்கரையில் உள்ள தனியார் மண்டபத்தில் நடைபெறவுள்ளது. இந்த நிலையில் நடிகர் விஜய் தனது ரசிகர்களுக்கு உத்தரவு ஒன்று பிறப்பித்துள்ளார். அதில், பிளக்ஸ் பேனர்கள், கொடிக்கம்பங்கள் போன்ற பொதுமக்களுக்கு இடையூறு ஏற்படுத்தும் வகையில் எந்த ஒரு விளம்பரமும் செய்ய வேண்டாம் என்று கேட்டுக் கொண்டுள்ளார்.