அடுத்த சீசனில் விளையாட தோனிக்கு கவாஸ்கர் கொடுத்த 'Impact' ஐடியா - 'இது செமயா இருக்கே'

சென்னை சூப்பர் கிங்ஸ் அணியின் கேப்டன் தோனி இன்னும் சில சீசன்கள் விளையாட வேண்டும் என முன்னாள் வீரர் கவாஸ்கர் விருப்பம் தெரிவித்து உள்ளார். தோனியிடம் நேற்று தனது சட்டையில் கவாஸ்கர் ஆட்டோகிராஃப் வாங்கினார். இந்நிலையில், தோனி குறித்து பேசியுள்ள கவாஸ்கர், தோனி போன்ற வீரர்கள் நூற்றாண்டுக்கு ஒரு முறையே வருவார்கள் என புகழாரம் சூட்டியுள்ளார். தோனியின் கடைசி ஐபிஎல் தொடராக இது இருக்கக் கூடாது என வலியுறுத்தியுள்ள கவாஸ்கர், இம்பேக்ட் வீரராக சென்னை அணியில் தோனி அடுத்தடுத்த சீசன்களில் விளையாடலாம் என்றும் தெரிவித்து உள்ளார்.