விநாயகர் சதுர்த்தி விழா... பக்தர்களை கவர்ந்த 501 கிலோ லட்டு விநாயகர்...

வேலூர் மாவட்டம் குடியாத்தத்தில், விநாயகர் சதுர்த்தியை முன்னிட்டு, கோவிலில் வைக்கப்பட்டுள்ள லட்டு விநாயகர், அனைவரது கவனத்தையும் ஈர்த்தது. அங்குள்ள வலம்புரி சக்திகணபதி ஆலயத்தில், மூலவருக்கு சந்தன காப்பு அலங்காரம் செய்த நிலையில் பக்தர்களுக்கு காட்சியளித்தார். மேலும் பாதாம், முந்திரி, அத்திப்பழம் உள்ளிட்ட உலர் பழங்களால் ஆன, 501 கிலோ லட்டுவால் உருவாக்கப்பட்ட, சக்திகணபதி மற்றும் லட்சுமி உருவங்களை பக்தர்கள் தரிசனம் செய்தனர்.