ராணுவத்தில் சேர முடியாத விரக்தி.. இளைஞர் எடுத்த விபரீத முடிவு

நெல்லை மாவட்டம் அம்பை அருகே, ராணுவத்தில் சேர முடியாத விரக்தியில் இளைஞர் தூக்குபோட்டு தற்கொலை செய்து கொண்ட சம்பவம், உறவினர்களிடையே அதிர்ச்சியை ஏற்படுத்தியுள்ளது.

புதுக்குடி பகுதியை சேர்ந்த சதிஷ் என்ற இளைஞர், அக்னிபாத் திட்டத்தின் கீழ் ராணுவத்தில் சேர விண்ணப்பித்த நிலையில், எழுத்து மற்றும் உடல் தகுதி தேர்வில் தேர்ச்சி பெற்றுள்ளார்.

ஆனால், மருத்துவ பரிசோதனையில் கண் பார்வை குறைபாடு காரணமாக தோல்வியடைந்தார்.

இதனால் விரக்தி அடைந்த சதீஷ், வீட்டில் யாரும் இல்லாத நேரத்தில், தூக்குப்போட்டு தற்கொலை செய்து கொண்டார்.

இச்சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.