ரயில் நிலையத்திலிருந்து வீடு வரை... மேளதாளங்கள் முழங்க, பட்டாசு வெடித்து ஓய்வு பெற்ற ராணுவ வீரருக்கு உற்சாக வரவேற்பு

தேனி அருகே ராணுவத்தில் 26 ஆண்டுகள் பணியாற்றி ஓய்வு பெற்று, சொந்த ஊருக்கு திரும்பிய ராணுவ வீரருக்கு மேளதாளத்துடன் உற்சாக வரவேற்பு அளிக்கப்பட்டது.

தேனி மாவட்டம் கூடலூரை சேர்ந்த ரஜினிகாந்த் என்பவர், இந்திய ராணுவத்தில் சுமார் 26 ஆண்டுகள் பணியாற்றிய நிலையில், கடந்த 30 ஆம் தேதி பணி ஓய்வு பெற்றார்.

இதனையடுத்து சொந்த ஊருக்கு திரும்பிய அவருக்கு, முன்னாள் ராணுவத்தினர் சங்கம் மற்றும் வீரமங்கை நலச்சங்கம் உள்ளிட்டவற்றின் சார்பில், மேளதாளங்களுடன் பட்டாசு வெடித்து வரவேற்பு அளிக்கப்பட்டது.