கடலில் மீன்பிடித்து கொண்டிருந்த மீனவர் திடீர் மாயம்- காரைக்காலில் பரபரப்பு

காரைக்காலில் இருந்து மீன்பிடிக்கச் சென்ற நாகை மீனவர், கடலில் மூழ்கி மாயமானதால் அவரை தேடும் பணி தீவிரமாக நடைபெற்று வருகிறது. காரைக்கால் துறைமுகத்திலிருந்து பிரகாஷ் என்பவருக்கு சொந்தமான விசைப்படகில் கடந்த 14-ம் தேதி, நாகை, மயிலாடுதுறை மாவட்டங்களை சேர்ந்த 15 மீனவர்கள், கடலுக்கு மீன் பிடிக்க சென்றனர். புதுச்சேரி- மாமல்லபுரம் இடையே மீனவர்கள் மீன் பிடித்துக் கொண்டிருந்தனர். அப்போது திடீரென சூறைக்காற்று வீசியதால், விசைப்படகின் பக்கவாட்டில் நின்றிருந்த தங்கசாமி என்பவர் கடலில் தவறி விழுந்தார். அவரை தேடும் பணியில் சக மீனவர்கள் மட்டுமின்றி, இந்திய கடலோர ரோந்து கப்பலும் ஈடுபடுத்தப்பட்டுள்ளது.