கேஸ் சிலிண்டர் வெடித்து விபத்து.. குடிசை வீடு எரிந்து சாம்பல்..

கேஸ் சிலிண்டர் வெடித்து விபத்து.. குடிசை வீடு எரிந்து சாம்பல்..

கீரப்பாக்கம் கிராமத்தில் கேஸ் சிலிண்டர் வெடித்த விபத்தில், குடிசை வீடு எரிந்து சாம்பலானது. செங்கல்பட்டு மாவட்டம், கீரப்பாக்கம் கிராமத்தில் தாமோதரன் என்பவர் குடும்பத்தினருடன் வசித்து வருகிறார். இந்நிலையில், இவரது மனைவி ஆனந்தி, சமையல் செய்வதற்காக கேஸ் அடுப்பை பற்ற வைக்க முயன்ற போது டியூப் வழியாக தீப்பற்றியுள்ளது. இதைக் கண்ட குடும்பத்தினர் அலறியடித்து வீட்டை விட்டு வெளியேறியதால் லேசான காயங்களுடன் உயிர் தப்பினர். விபத்தில் வீடு முழுவதும் எரிந்து சாம்பலான நிலையில், வீட்டிலிருந்த பணம், முக்கிய ஆவணங்கள் அனைத்தும் தீயில் கருகின.