தலைக்கேறிய மதுபோதையால் தர்மஅடி...மரத்தில் கட்டிவைத்து நையப்புடைத்த 5 பேர்..தருமபுரியில் பரபரப்பு

பொம்மிடி அருகே உள்ள பையர்நத்தம் கிராமத்தைச் சேர்ந்த வேலன், அதே கிராமத்தைச் சேர்ந்த ஸ்ரீகாந்த் ஆகியோர், போதக்காடு சாலையில் அமர்ந்து மது அருந்தியதுடன், அவ்வழியாகச் சென்ற இளைஞரிடம் வாக்குவாதத்தில் ஈடுபட்டதாக கூறப்படுகிறது. வாக்குவாதம் முற்றிய நிலையில் வேலன், அந்த இளைஞரை தாக்கியுள்ளார். இதனால் ஆத்திரமடைந்த அந்த இளைஞர், மினி டெம்போவில் 30க்கும் மேற்பட்ட கும்பலை அழைத்து வந்து, வேலன் மற்றும் ஸ்ரீகாந்தை கயிற்றால் கட்டி சரமாரியாக தாக்கி, வாகனத்தில் தூக்கிச் சென்றுவிட்டதாக கூறப்படுகிறது. படுகாயமடைந்த வேலன் மற்றும் ஸ்ரீகாந்த் பாப்பிரெட்டிப்பட்டி அரசு மருத்துவமனையில் சிகிச்சைக்காக அனுமதிக்கப்பட்டனர். சம்பவம் குறித்து விசாரணை நடத்திய போலீசார்,

போதகாடு பகுதியைச் சேர்ந்த ரவிச்சந்திரன் உட்பட 5 பேரை கைது செய்து அரூர் கிளைச்சிறையில் அடைத்தனர்.