வீட்டில் ஆலோசனை நடத்திய ஈ.பி.எஸ் - வேட்பாளர் தேர்வு குறித்து ஆலோசனையா?

சேலத்தில் அதிமுக இடைக்கால பொதுச்செயலாளர் எடப்பாடி பழனிச்சாமியை ஈரோடு மாவட்ட அதிமுக முக்கிய நிர்வாகிகள் சந்தித்து ஆலோசனை மேற்கொண்டனர்.

சேலம் நெடுஞ்சாலை நகரில் உள்ள எடப்பாடி பழனிச்சாமி இல்லத்திற்கு, ஈரோடு மாவட்ட அதிமுக நிர்வாகிகள் சென்றர். அங்கு, எடப்பாடி பழனிசாமியுடன், தேர்தல் பணிகள் குறித்து ஆலோசனை மேற்கொண்டனர். அப்போது, கடந்த தேர்தலின் போது, இதே தொகுதியில் போட்டியிட முயற்சித்த மாணவர் அணி இணை செயலாளர் நந்தகோபால் எடப்பாடி பழனிசாமியுடன் சந்தித்து பேசினார். இதனால், வேட்பாளர் தேர்வு குறித்து அவர்கள் பேசியிருக்கலாம் என கூறப்படுகிறது. இடைத்தேர்தலில் போட்டியிட விரும்புவோர், விருப்ப மனுக்களை தாக்கல் செய்யலாம் என அதிமுக தலைமை அறிவித்துள்ள நிலையில், இந்த சந்திப்பு நடைபெற்றுள்ளது குறிப்பிடத்தக்கது.