புது கார்களில் பாதி வழியிலேயே பெட்ரோலை திருடும் ஊழியர்கள் - வெளியான அதிர்ச்சி வீடியோ

குரோம்பேட்டை, கூடுவாஞ்சேரி, படப்பை, செம்பாக்கம் ஆகிய பகுதிகளில் கார் விற்பனை செய்யும் தனியார் ஷோரூம்கள் இயங்கி வரும் நிலையில், கார்களை வாங்க வாடிக்கையாளர்கள் புக் செய்து, அவர்களுக்கு கார் ஒதுக்கப்பட்டவுடன் திருவள்ளூரில் உள்ள குடோன்களுக்கு வாகனங்கள் வந்து இறங்குகின்றன.

திருவள்ளூரில் இருந்து ஆர்டிஓ அலுவலகம் வர புதிய கார்களுக்கு 10 லிட்டர் வரை நிர்வாகம் சார்பில் பெட்ரோல் நிரப்பப்படுகிறது.

அவ்வாறு நிரப்பப்படும் பெட்ரோலை வண்டலூர் மேம்பாலம் அருகே உள்ள மறைவான இடத்தில் புதிய கார்களை ஓட்டி வந்த ஊழியர்களே கேன்களில் திருடி விற்பனை செய்து வருவது அதிர்ச்சியை ஏற்படுத்தியுள்ளது.