லாரி மோதிய விபத்தில் யானை பலி... கர்நாடக - கேரள தேசிய நெடுஞ்சாலை மூடல்

லாரி மோதிய விபத்தில் யானை பலியான சம்பவம் சோகத்தை ஏற்படுத்தியுள்ளது.

இன்று அதிகாலை கர்நாடக மாநிலம் முனஹல்லா அருகே யானை குளம் என்ற இடத்தில் யானை ஒன்று சாலையில் இறந்து கிடந்தது.

இது குறித்து வனத்துறையினர் ஆய்வு செய்யும் போது, அவ்வழியே சென்ற சரக்கு லாரியில் அடிபட்டு யானை பலியானது கண்டறியப்பட்டது.

யானை இறந்ததை அடுத்து தற்காலிகமாக கர்நாடக - கேரள தேசிய நெடுஞ்சாலை மூடப்பட்டு, வாகன போக்குவரத்தை நிறுத்தி இருமாநில வனத்துறையினர் விபத்தை ஏற்படுத்திய லாரியைத் தீவிரமாகத் தேடி வருகின்றனர்.