நாடார் மகாஜன சங்கம் உட்பட 3 அமைப்புகளுக்கு தேர்தல்

நாடார் மகாஜன சங்கம், வெள்ளைச்சாமி நாடார் கல்லூரி மற்றும் பாலிடெக்னிக் ஆகிய மூன்று அமைப்புகளின் நிர்வாகிகளை தேர்ந்தெடுப்பதற்கான வாக்குப்பதிவு இன்று நடைபெற உள்ளது. மதுரை நாகமலை புதுக்கோட்டையில் உள்ள வெள்ளைச்சாமி நாடார் கல்லூரியில் நடைபெறும் தேர்தலை, உயர்நீதிமன்ற மதுரைக்கிளை உத்தரவுப்படி ஓய்வுபெற்ற நீதிபதி கிருபாகரன் மேற்பார்வையிடுகிறார். 61 ஆயிரத்து 169 வாக்காளர்கள் வாக்களிக்க தகுதி பெற்றவர்கள். ஒவ்வொரு வாக்காளர்களுக்கும் 7 வாக்குச் சீட்டுகள் கொடுக்கப்பட உள்ளன. காலை 8 மணிக்கு வாக்குப்பதிவு தொடங்கி மாலை 5 மணி வரை நடைபெறும் என அறிவிக்கப்பட்டுள்ளது. 5 மணிக்கு மேல் பதிவான வாக்குகளை எண்ணி முடிவுகள் அறிவிக்கப்பட உள்ளது.