முதல்வர் ஸ்டாலின் முன்னிலையில் திமுகவில் இணைந்த மாற்றுக் கட்சியினர்

திமுக தலைவரும் முதலமைச்சருமான ஸ்டாலின் முன்னிலையில் மாற்றுக் கட்சிகளைச் சேர்ந்த 150 பேர் திமுகவில் இணைந்தனர். பர்கூர் திமுக எம்.எல்.ஏ மதியழகன் தலைமையில் அண்ணா அறிவாலயத்துக்கு வந்த மாற்றுக் கட்சியினர், திமுக தலைவர் மு.க.ஸ்டாலினை சந்தித்தனர். தொடர்ந்து திமுகவில் இணைந்த மாற்றுக் கட்சியினர், திமுக தலைவர் மு.க.ஸ்டாலினுடன் குழுப் புகைப்படம் எடுத்துக் கொண்டனர். இந்த நிகழ்ச்சியில், திமுக பொதுச்செயலாளர் துரைமுருகன், பொருளாளர் டி.ஆர் பாலு உள்ளிட்டோர் உடன் இருந்தனர்.