சுவாரஸ்யத்தை அதிகரிக்கும் தீபாவளி ஸ்பெஷல் படங்கள்
- நேருக்கு நேர் மோதும் 4 திரைப்படங்கள்..!
- பாக்ஸ் ஆபிஸ் ஹிட் கொடுக்கப் போவது யார் ?
- இந்தாண்டின் தீபாவளி ட்ரீட்டாக, கோலிவுட்டில் ரிலீசாகியுள்ள திரைப்படங்கள் குறித்த சுவாரஸ்ய செய்தி தொகுப்பு உங்கள் பார்வைக்கு...
- தீபாவளி என்றால் பட்டாசு, பலகாரம், கொண்டாட்டத்தை கடந்து புதுப்பட ரிலீசும் தனி கவனம் பெறும்...
- அந்த வகையில் கடந்த ஆண்டு கார்த்தியின் ஜப்பான், ராகவா லாரன்ஸ் மற்றும் எஸ்.ஜே. சூர்யாவின் ஜிகர்தண்டா டபுள் எக்ஸ், விக்ரம் பிரபுவின் ரெய்டு உள்ளிட்ட படங்கள் வெளியாகியிருந்தன.
- இதில் ஜிகர்தண்டா டபுள் எக்ஸ் படம் நல்ல வரவேற்பை பெற்றிருந்தது குறிப்பிடத்தக்கது...
- பொதுவாகவே, தீபாவளியின் போது பெரிய நடிகர்களின் படங்கள் வெளியாகும் என்ற சூழலில், கடந்த ஆண்டு தீபாவளி ரிலீஸ் டல் அடித்தது என்றே சொல்லலாம்...
- கடந்த ஆண்டை போலவே பெரிய நடிகர்களின் படங்கள் பெரிதளவில் இல்லையென்றாலும், கவனிக்கத்தக்க நடிகர்களின் படங்கள் தியேட்டர்களை அலங்கரித்துள்ளன.
- அந்த வகையில் நடிகர் சிவகார்த்திகேயன், சாய் பல்லவி நடித்துள்ள அமரன் திரைப்படம் வெளியாகியுள்ளது. மேஜர் முகுந்த் வரதராஜனின் நிஜ வாழ்க்கையை வைத்து எடுக்கப்பட்ட இப்படத்தின் பாடல்கள் பெரும் வரவேற்பை பெற்ற நிலையில், மேஜர் முகுந்த், இந்து ரெபேக்கா வர்கீஸ்-ன் காதல் கதையை திரையில் காண எதிர்பார்த்து காத்திருந்தனர் ரசிகர்கள்...
- படத்தின் முன்பதிவிலேயே மாஸ் காட்டிய அமரன், பல படங்களுக்கு டஃப் ஃபைட் கொடுத்துள்ளது..
- இதைத்தொடர்ந்து ஜெயம்ரவியின் பிரதர் திரைப்படம் வெளியாகியுள்ளது. பிரியங்கா மோகன், பூமிகா, சரண்யா பொன்வண்ணன் உள்ளிட்டோர் நடித்துள்ள இத்திரைப்படத்தின் மக்கா மிஷி பாடல் படு ஹிட் அடித்தது...
- ஒரு கல் ஒரு கண்ணாடி, வாசுவும் சரவணனும் ஒன்னா படிச்சவங்க உள்ளிட்ட ஜாலி படங்களை இயக்கிய ராஜேஷ் இயக்கியுள்ளதால், இத்திரைப்படத்தில் நகைச்சுவைக்கு பஞ்சமிருக்காது என்கின்றனர் ரசிகர்கள்..
- இந்த வரிசையில் இணைந்துள்ள அடுத்த படம் கவினின் பிளடி பெக்கர். அறிமுக இயக்குநர் சிவபாலன் இயக்கத்தில் கவின், ரெடின் கிங்ஸ்லி, பிச்சைக்காரனாக மாறுப்பட்ட தோற்றத்தில் நடித்துள்ளார் கவின்..
- டாடா, ஸ்டார் உள்ளிட்ட படங்களில் லவ்வர் பாயாக இருந்த கவின் பிச்சைக்காரனாக நடித்துள்ளதால்,படத்தின் மீது தனி கவனம் உள்ளது.
- இதைத் தொடர்ந்து, துல்கர் சல்மான் மற்றும் மீனாட்சி சவுத்ரி நடிப்பில் லக்கி பாஸ்கர் திரைப்படம் வெளியாகியுள்ளது. தமிழ், மலையாளம், தெலுங்கு உள்ளிட்ட மொழிகளில் வெளியாகியுள்ள படம், டஃப் ஃபைட் கொடுக்குமா என்பதை பொறுத்திருந்தே பார்க்க வேண்டும்..
Next Story
