தமிழகம் முழுவதும் தீபாவளி பண்டிகை கோலாகல கொண்டாட்டம் | Diwali

தமிழகம் முழுவதும் மக்கள் தீபாவளியை உற்சாகமாக கொண்டாடினர். சென்னை, தண்டையார்பேட்டை பகுதியில் பொது மக்கள் உற்சாகத்துடன் தீபாவளி பண்டிகையை கொண்டாடினர். சிறியவர் முதல் பெரியவர் வரை அனைவரும் பட்டாசுகளை வெடித்து சிறப்பாக தீபாவளியை கொண்டாடினர். தஞ்சையில் பொதுமக்கள் பட்டாசுகள் வெடித்து, இனிப்புகள் வழங்கி தீபாவளியை கொண்டாடினர். சிறுவர்கள், இளைஞர்கள், பெண்கள், முதியவர்கள் என அனைவரும் வண்ணமயமான பட்டாசுகள் வெடித்து மகிழ்ந்தனர். நெல்லையில் தீபாவளி பண்டிகை களைகட்டியது. பல்வேறு வகையான கண்கவர் பட்டாசுகளை வெடித்து பொதுமக்கள் தீபாவளியை கொண்டாடினர். இதனிடையே, இரவு நேரங்களில் வெடிக்கப்பட்ட வெடிகளின் காரணமாக சாலைகள் புகைமூட்டமாக காணப்பட்டது.மதுரை மாநகரின் முக்கிய வீதிகளில் பொதுமக்கள் உற்சாகமாக தீபாவளி கொண்டாட்டத்தில் ஈடுபட்டனர். அனைவரும் அவரவர் வீட்டின் முன்பு பல்வேறு வகையான பட்டாசுகளை வெடித்து கொண்டாடினர்.