தொழில் போட்டி காரணமாக தகராறு - கத்தரியால் 2 பேர் குத்திக் கொண்டு மோதல் - பரபரப்பு சிசிடிவி காட்சி

விருதுநகர் மாவட்டம், திருச்சுழியில் தொழில் போட்டி காரணமாக, இரண்டு பேர், கத்தரிக்கோலால் மாறி மாறி தாக்கிக் கொண்டனர். அந்த ஊரில் சலூன் கடை வைத்திருக்கும் சத்தியமூர்த்தி என்பவர், கோவில் திருவிழாவின்போது முடி எடுக்கும் பணியை பல ஆண்டுகளாக பார்த்து வருகிறார். இந்த ஆண்டு, அந்த பணியை தாம் பார்த்துக் கொள்வதாக கூறி மாதவன் என்பவர், சத்தியமூர்த்தியிடம் கூறியுள்ளார். இதுதொடர்பாக ஏற்பட்ட தகராறின்போது, இருவரும் கத்தரிக்கோலால் தாக்கிக் கொண்டனர். இதில் காயமடைந்த இருவரும் மருத்துவமனையில் சிகிச்சை பெற்று வருகின்றனர். அங்கு பதிவான சிசிடிவி காட்சிகளை வைத்து போலீசார் வழக்கு பதிந்து விசாரணை நடத்தி வருகின்றனர்.