"என்ன சத்தம் இது"... 'பைக்' சீட்டில் பதுங்கி இருந்த கொம்பேறி மூக்கன் - பதறிப்போன உரிமையாளர்

திண்டுக்கல் மாவட்டம், வத்தலகுண்டு அருகே இருசக்கர வாகனத்தில் பதுங்கியிருந்த 6 அடி நீளமுள்ள கொம்பேறி மூக்கன்பாம்பை, தீயணைப்புத் துறையினர் லாவகமாகப் பிடித்தனர்.
அண்ணாநகர் கோட்டைத் தெருவில் வசிக்கும் ராமகிருஷ்ணன் காலையில் தனது இருசக்கர வாகனத்தை எடுக்க முயன்றபோது, இருக்கைக்கு கீழ் பாம்பு இருப்பதைக் கண்டு, வத்தலகுண்டு தீயணைப்புத் துறையினருக்கு தகவல் கொடுத்தார்.
விரைந்து வந்த தீயணைப்பு வீரர்கள், இருக்கைக்கு கீழ் பதுங்கிருந்த பாம்பை, உபகரணங்களின் உதவியுடன் பிடித்து, வனத்துறை அதிகாரியிடம் ஒப்படைத்தனர்.