தடம் புரண்ட‌ சரக்கு ரயில்கள்... அடுத்தடுத்த அதிர்ச்சி

ஆந்திரா மற்றும் மேற்கு வங்கத்தில் இரண்டு இடங்களில் சரக்கு ரயில்கள் தடம் புரண்டதால், ரயில் போக்குவரத்து பாதிக்கப்பட்டது. ஆந்திராவில், தாடி மற்றும் அனகாபள்ளி இடையே சரக்கு ரயில் தடம் புரண்ட‌து. இதனால், விசாகப்பட்டினம், விஜயவாடா, குண்டூர் உள்ளிட்ட இடங்களுக்கு செல்லும் 6 பயணிகள் ரயில் சேவைகள் ரத்து செய்யப்பட்டன. இதே போன்று, மேற்கு வங்க மாநிலம், சில்குரி அருகே, காலை 11:10 மணியளவில் சரக்கு ரயிலின் இரண்டு சக்கரங்கள் தடம் புரண்டன. விரைந்து சென்ற ரயில்வே ஊழியர்கள், 3 மணி நேரத்தில் ரயில் பெட்டிகளை மீட்டு, போக்குவரத்தை சீர் செய்தனர்.