பூட்டிய காருக்குள் ஆண் சடலம்.. தஞ்சை பேருந்து நிலையத்தில் அதிர்ச்சி சம்பவம்

மதுரை மாவட்டத்தை சேர்ந்த அருண்குமார், கும்பகோணத்தில் உள்ள தனியார் நிறுவனத்தில் மேலாளராக பணி புரிந்து வருகிறார். தஞ்சை பேருந்து நிலையத்தில் உள்ள வாகன நிறுத்தத்தில், காரை நிறுத்திய அருண்குமார், கோவைக்கு சென்றதாக தெரிகிறது. பணிகளை முடித்து மீண்டும் காரை எடுத்து செல்வதற்காக தஞ்சைக்கு வந்த அவர், காருக்குள் இளைஞர் ஒருவர் சடலமாக கிடப்பதை கண்டு அதிர்ச்சி அடைந்தார். இதுக்குறித்த தகவலின் பேரில் சம்பவ இடத்திற்கு சென்ற போலீசார், சடலத்தை மீட்டு பிரேத பரிசோதனைக்காக தஞ்சை மருத்துவக்கல்லூரி மருத்துவமனைக்கு கொண்டு சென்றனர். பிணமாக கிடந்தவர் யார்? காருக்குள் எப்படி வந்தார்? என்பது குறித்து காவல்துறையினர் தீவிர விசாரணை நடத்தி வருகின்றனர். மேலும் கார் உரிமையாளரிடமும் விசாரணை நடத்தப்பட்டு வருகிறது.