மீண்டும் மிரட்டும் கொரோனா - சென்னையில் மாஸ்க் கட்டாயம் என அறிவிப்பு

சென்னையில் மீண்டும் கொரோனா பரவல் அதிகரித்துள்ள நிலையில் பொதுமக்கள் கட்டாயம் முகக்கவசம் அணிய வேண்டும் என்று மாநகராட்சி அறிவுறுத்தியுள்ளது...

சென்னையில் கொரோனா பரவல் கடந்த 2 நாட்களாக சற்று அதிகரித்திருப்பதால் பண்டிகை கால விடுமுறைகள் நெருங்கி வருவதை ஒட்டி தொற்றுப் பரவல் மேலும் அதிகரிக்க கூடிய வாய்ப்பு நிலவி வருகிறது. இதனால் தொற்றுப் பரவலை தடுக்க பொது இடங்களில் மக்கள் கட்டாயம் முகக்கவசம் அணிய வேண்டும் என்று மாநகராட்சி வலியுறுத்தியுள்ளது. இது தொடர்பாக வெளியிடப்பட்டுள்ள அறிவிப்பில் பொது இடங்களில் மக்கள் சமூக இடைவெளியை பின்பற்ற வேண்டும் எனவும், கொரோனா தடுப்பூசியை செலுத்திக் கொள்ள வேண்டும் என்றும், சளி காய்ச்சல் உள்ளிட்ட அறிகுறிகள் தென்படும் பட்சத்தில் சுய சிகிச்சை மேற்கொள்ளாமல் மக்கள் மருத்துவர்களை அணுக வேண்டும் என்றும் மாநகராட்சி அறிவுறுத்தியுள்ளது.