குஜராத்தில் காங்கிரஸ் எம்எல்ஏ மீது சரமாரி தாக்குதல் - உச்சகட்ட பதற்றம்

குஜராத்தில் வன்ஸ்டா தொகுதி காங்கிரஸ் எம்எல்ஏவும், பழங்குடியினத் தலைவருமான ஆனந்த் படேல் மீது தாக்குதல் நடத்தியிருப்பது பரபரப்பை ஏற்படுத்தியுள்ளது.

நவ்சரி மாவட்டத்தில் உள்ள கெர்காம் நகரில் நேற்று மாலை ஆனந்த் படேல் சென்ற போது, அங்கிருந்த ஊராட்சி மன்றத் தலைவர் ஆதரவாளர்களுடன் சேர்ந்து தனது கார் மீது தாக்குதல் நடத்தியதாக ஆனந்த் படேல் குற்றம் சாட்டியுள்ளார்.

இதைக் கண்டித்து, கெர்காம் பகுதியில் காங்கிரஸ் கட்சியினரும், பழங்குடியினத்தவரும் ஏராளமானோர் குவிந்து போராட்டத்தில் ஈடுபட்டனர்.

அப்போது, அந்த பகுதியில் இருந்த கடை ஒன்றை அவர்கள் தீ வைத்து எரித்த‌தால் பரபரப்பு ஏற்பட்டது.