தமிழக-கேரள எல்லையில் மோதல்.. தமிழக மாணவர்கள் மீது சரமாரி தாக்குதல்.. அதிர்ச்சி சிசிடிவி காட்சி

தமிழக கேரள எல்லையில் மாணவர்கள் இடையேயான மோதல் பரபரப்பை ஏற்படுத்தியது.

கோவை அருகே உள்ள தனியார் பொறியியல் கல்லூரியில் பயிலும் மாணவர்களுக்கிடையே முன்விரோதம் இருந்து வந்துள்ளது.

அப்போது ஒரு தரப்பு மாணவர்கள் கேரள மாநிலம் பாலக்காடு அருகே புதூர் வழியாக பேருந்தில் சென்று கொண்டிருந்தபோது எதிர்தரப்பு மாணவர்களின் தூண்டுதலின் பேரில் ஒரு கும்பல் பேருந்தை வழிமறித்து நிறுத்தியது.

பேருந்து நிறுத்தப்பட்டவுடன் பேருந்துக்குள் புகுந்த அக்கும்பல் மாணவர்களை கடுமையாக தாக்கியுள்ளது.

இதனால் சில மாணவர்கள் காயமடைந்தாலும் அவர்கள் காவல்துறைக்கு புகார் அளிக்க முன்வரவில்லை. எனினும், சிசிடிவி காட்சிகள் சமூக வலைத்தளங்களில் வெளியாகி பரபரப்பை ஏற்படுத்தி உள்ளது.

இந்த தாக்குதலில் ஈடுபட்டவர்களை, வாளையாறு போலீசார் தீவிரமாக தேடி வருகின்றனர்.