தடை செய்யப்பட்ட குணா குகையில் அத்துமீறி நுழைந்து சினிமா படப்பிடிப்பு - கொடைக்கானலில் பரபரப்பு

கொடைக்கானல் குணா குகையில் நடைபெற்ற படபிடிப்பு தொடர்பாக, வனத்துறை உயர் அதிகாரிகள் விசாரணை மேற்கொண்டனர். வனத்துறையின் கட்டுப்பாட்டில் உள்ள குணா குகையில், சில மாதங்களுக்கு முன்பு மலையாள திரைப்படத்தின் படப்பிடிப்பு நடைபெற்றது. இந்தநிலையில் குணா குகையில் தடை செய்யப்பட்ட பகுதியில், அப்படப்பிடிப்பு நடைபெற்றதாக புகார் எழுந்துள்ளது. இதனையடுத்து உதவி தலைமை வனப்பாதுகாவலர் உள்ளிட்ட வனத்துறையின் உயரதிகாரிகள், குணா குகையில் ஆய்வு மேற்கொண்டனர். மேலும் இந்த விவகாரத்தில் சம்பந்தப்பட்ட வனத்துறை அதிகாரிகளிடம் அவர்கள் விசாரணை மேற்கொண்டனர்.