செஸ் ஒலிம்பியாட் போட்டி - டிஜிபி சைலேந்திரபாபு திடீர் விசிட்

மாமல்லபுரத்தில், 44வது செஸ் ஒலிம்பியாட் போட்டி நடைபெறும் அரங்கில், தமிழக டிஜிபி சைலேந்திரபாபு ஆய்வு செய்தார். இதையடுத்து செய்தியாளர்களை சந்தித்த அவர், செஸ் ஒலிம்பியாட் போட்டி சிறப்பாக நடைபெற்று வருவதாகவும், பாதுகாப்பு பணிக்காக 4 ஆயிரம் போலீசார் குவிக்கப்பட்டுள்ளதாகவும் தெரிவித்தார். மாமல்லபுரத்தில் புதிதாக 10 புறக்காவல் நிலையங்கள் அமைக்கப்பட்டுள்ளதாகவும் அவர் குறிப்பிட்டார். இன்று வீரர்களுக்கு ஓய்வு தினம் என்பதால், கடற்கரைக்கு செல்ல வாய்ப்புள்ளதாகவும், இதற்காக கடற்கரை ஓரம் 100 உயிர்காக்கும் வீரர்கள் தயார் நிலையில் இருப்பதாகவும் சைலேந்திரபாபு தெரிவித்தார்.