"சேப்பாக்கம் மைதானம் எப்போதும் ஸ்பெஷல்..""நடிகர் சூர்யாவும் நானும் நன்றாக பேசினோம்"ரசிகர்களின் கேள்விகளுக்கு சச்சின் பதில்

கிரிக்கெட் ஜாம்பவான் சச்சின் டெண்டுல்கர், மும்பைக்கு அடுத்தபடியாக தனக்கு சென்னை சேப்பாக்கம் மைதானமே பிடிக்கும் என்று தெரிவித்துள்ளார்.

ட்விட்டரில் 'ஆஸ்க் சச்சின்' என்ற ஹேஷ்டேக் மூலமாக சச்சின் டெண்டுல்கரிடம் ரசிகர்கள் கேள்விகள் கேட்டனர். அப்போது ஒரு ரசிகர் சச்சினிடம், மும்பை வான்கடேவுக்கு அடுத்தபடியாக பிடித்த மைதானம் எது என்ற கேள்வியை கேட்டார். அதற்கு சச்சின், சென்னை சேப்பாக்கம் மைதானமே தனக்கு பிடித்தமானது என தமிழில் பதிவிட்டார். இதேபோல் நடிகர் சூர்யா உடனான சந்திப்பு குறித்த கேள்விக்கு பதிலளித்த சச்சின், ஆரம்பத்தில் நாங்கள் பேசுவதற்கு கூச்சப்பட்டாலும், இறுதியில் நன்றாக பேசிக்கொண்டோம் என தெரிவித்துள்ளார்.