"இந்திக்காரனுங்க பிடிச்சி அடிச்சிட்டானுங்க..அப்படியே கண்ணு மேல போய் செத்துட்டான்" - சென்னையில் சைதை இளைஞருக்கு நேர்ந்த கொடூரம்

சென்னையில் 23 வயது இளைஞர் ஒருவரை மர்ம நபர்கள் அடித்து கொலை செய்ததாக கூறி இளைஞரின் உறவினர்கள் காவல் நிலையம் முன்பு குவிந்ததால் பரபரப்பானது.

சைதாப்பேட்டை அருகே சின்னமலை வெங்கடாபுரத்தை சேர்ந்த இளைஞர் ஷாயின் ஷா காதிரியை காணவில்லை என கூறி அவரது உறவினர்கள் தேடி வந்துள்ளனர்.

அப்போது, சைதாப்பட்டை தாடண்டர் விளையாட்டுத் திடல் அருகே மர்ம நபர்களால் ஷாயின் ஷா தாக்கப்பட்டு கிடப்பதாக நண்பர் மூலமாக தகவல் கிடைத்துள்ளது. இதனால் அதிர்ச்சியடைந்த உறவினர்கள், விளையாட்டு திடல் அருகே சென்று பார்த்தபோது, அங்கு கட்டுமான பணி நடைபெறும் இடத்தில் படுகாயங்களுடன் இருந்த ஷாயின்ஷாவை மீட்டனர். இதையடுத்து, மருத்துவமனைக்கு கொண்டு சென்றபோது, ஷாயின்ஷா ஏற்கனவே உயிரிழந்து விட்டதாக மருத்துவர்கள் தெரிவித்துள்ளனர். இந்நிலையில், ஷாயின்ஷாவின் உயிரிழப்பிற்கு காரணமானவர்கள் மீது உரிய நடவடிக்கை எடுக்க வலியுறுத்தி உறவினர்கள் காவல் நிலையம் முன்பு குவிந்ததால் பரபரப்பானது.