சென்னையில் பைக்கை முறுக்குபவர்கள் கவனத்திற்கு...போகுற இடமெல்லாம் கண்ணிவெடி காத்திருக்கு..!

சென்னையில் போக்குவரத்து விதிகளை மீறி இருசக்கர வாகனத்தில்அதிவேகமாக செல்லும் நபர்களை பிடிப்பதற்காக, காவல்துறையினர் பல்வேறு நடவடிக்கைகளை மேற்கொண்டு வருகின்றனர். அந்த வகையில் சென்னை முழுவதும் நேற்று நள்ளிரவில் 115 தற்காலிக சோதனை மையங்கள் அமைத்து, போலீசார் தீவிர வாகன தணிக்கையில் ஈடுபட்டனர். அதன்படி, கடந்த இரு தினங்களில் மட்டும் பைக் ரேஸில் ஈடுபட்டதாக கூறி, கல்லூரி மாணவர்கள் உட்பட 15 பேர் கைது செய்யப்பட்டுள்ளனர். மேலும், இன்னும் சில தினங்களில் புத்தாண்டு வர உள்ளதால், குற்றச் சம்பவங்களை தடுக்க தனியார் தங்கும் விடுதிகளிலும் காவல்துறையினர் தீவிர சோதனை மேற்கொண்டு வருகின்றனர்.