இந்திய அளவில் 11வது இடம் பிடித்த சென்னை மருத்துவக் கல்லூரி

இந்திய அளவில், சென்னை மருத்துவக் கல்லூரி மற்றும்

ராஜீவ்காந்தி அரசு பொது மருத்துவமனை 11-ஆம் இடத்தைப் பிடித்துள்ளது. அனைத்து துறை கல்வி நிறுவனங்களும் பல்வேறு தரவுகளின் அடிப்படையில் ஆய்வு செய்யப்பட்டு, ஆண்டுதோறும் மத்திய அரசின் கல்வித்துறை சார்பில், தர வரிசைப் பட்டியல் வெளியிடப்படும். அதன்படி, இந்த ஆண்டு, சென்னை மருத்துவக் கல்லூரி இந்திய அளவில் 11-ஆம் இடத்தைப் பிடித்துள்ளது. கடந்த மூன்று ஆண்டுகளாக, தொடர்ந்து சென்னை மருத்துவக் கல்லூரி, தர வரிசையில் முன்னேறி வந்துள்ளது. நாடு முழுவதும் மாநில அரசுகளால் நடத்தப்படும் மருத்துவக் கல்லூரிகளில் சென்னை மருத்துவக் கல்லூரி உயர்ந்த நிலை பெற்றுள்ளது குறிப்பிடத்தக்கது.