காரில் கொண்டுவரப்பட்ட துப்பாக்கிகள்.. கிலோ கணக்கிலான தோட்டாக்கள்.. கொத்தாக பிடித்த போலீஸ் - செங்கல்பட்டில் பரபரப்பு
- திருப்போரூர் அருகே, காரில் கண்டெடுக்கப்பட்ட துப்பாக்கிகள் தொடர்பாக, போலீசார் தீவிர விசாரணையில் ஈடுபட்டுள்ளனர்.
- செங்கல்பட்டு மாவட்டம் இள்ளலூர் பகுதியில், தாண்டவமூர்த்தி என்பவருக்கு சொந்தமான சுமார் 3 டன் இரும்பு காணாமல்போனதாக புகார் எழுந்தது.
- இது தொடர்பாக, சம்பவ இடத்தில் சோதனை செய்த போலீசார், சந்தேகத்திற்கிடமாக வந்த காரை ஆய்வு செய்தனர்.
- இதில் காரில் இருந்த இரண்டு துப்பாக்கிகள், கிலோ கணக்கிலான தோட்டாக்கள் மற்றும் விலையுயர்ந்த மதுபானங்கள் பறிமுதல் செய்தனர்.
- மேலும், காரில் பயணித்த மூன்று பேரை கைது செய்த போலீசார், அவர்களிடம் தீவிர விசாரணையில் ஈடுபட்டுள்ளனர்.
- அதே பகுதியை சேர்ந்த சந்தேகத்திற்கிடமான மேலும் எட்டு பேரிடம் விசாரணையில் ஈடுபட்டுள்ள போலீசார், அவர்களின் கார் மற்றும் இருசக்கர வாகனங்களை பறிமுதல் செய்துள்ளனர்.
- துப்பாக்கி வேட்டையாட கொண்டுவரப்பட்டதா? அல்லது வேறு ஏதேனும் பின்னணி உள்ளதா? என்ற கோணத்தில் காவல்துறையின் விசாரணை நடந்து வருகிறது...
Next Story
