கொத்து கொத்தாக நாய்கள் கொல்லப்பட்ட விவகாரம்? - உடல்கள் தோண்டி எடுத்து பிரேத பரிசோதனை..

கொத்து கொத்தாக நாய்கள் கொல்லப்பட்ட விவகாரம்? - உடல்கள் தோண்டி எடுத்து பிரேத பரிசோதனை..

செங்கல்பட்டில், கருத்தடை செய்ய பிடிக்கப்பட்ட நாய்கள் உயிரிழந்த விவகாரத்தில், உடல்கள் தோண்டி எடுத்து பிரேத பரிசோதனை செய்யப்பட்டது.

செங்கல்பட்டில், கருத்தடை செய்வதற்காக கடந்த மாதம் 23ஆம் தேதி நாய்கள் பிடிக்கப்பட்டன.

பின்னர், கருத்தடை சிகிச்சை கூடத்தில் அடைத்து வைத்து 30க்கும் மேற்பட்ட நாய்கள் கொல்லப்பட்டதாக தெரிகிறது.

இது தொடர்பான வீடியோ வெளியான நிலையில், விலங்கு நல வாரியத்தில் பதிவு செய்யாமல் தன்னார்வ நிறுவனம் செயல்பட்டு வந்தது கண்டறியப்பட்டது.

இதனிடையே, விலங்குகள் கொடுமை தடுப்புச் சட்டத்தின் கீழ், தன்னார்வ நிறுவனத்தின் மீது வழக்குப் பதிவு செய்யப்பட்டது.

இது தொடர்பான விசாரணை தற்போது நடைபெற்று வரும் நிலையில், புதைக்கப்பட்ட 5 நாய்கள், ஜேசிபி இயந்திரம் உதவியுடன் தோண்டி எடுக்கப்பட்டு பிரேத பரிசோதனை செய்யப்பட்டது.