"எவ்ளோ தைரியம் இருந்தா இங்க வந்திருப்ப?" அச்சமே இல்லாமல் சிறுத்தையை கலாய்த்த போலீஸ்

பண்ணாரி சோதனைச் சாவடி அருகே சிறுத்தை ஒன்று அமர்ந்திருந்ததை கண்ட காவலர்கள் அதிர்ச்சியடைந்தனர். ஈரோடு மாவட்டம், பண்ணாரி சோதனைச் சாவடி அருகே சிறுத்தை நடமாட்டம் அதிகரித்துள்ளதாக கூறப்பட்டு வருகிறது. இந்நிலையில், சாலையோர வனப்பகுதியில் சிறுத்தை ஒன்று அமர்ந்திருந்தது. இதைக் கண்ட காவலர்கள் அதிர்ச்சி அடைந்தனர். இது குறித்து காவலர்கள் வனத்துறையினருக்கு தகவல் அளித்தனர். வனத்துறையினர் சம்பவ இடத்திற்கு வந்து சிறுத்தையைக் கண்டனர். சிறுத்தை மீது டார்ச் லைட் வெளிச்சம் அடித்த நிலையிலும், சிறுத்தை அவ்விடத்தை விட்டு நகராமல் அங்கேயே இருந்தது அச்சத்தை ஏற்படுத்தியது.