அமைச்சருக்கு குப்பை வண்டியில் வந்த சேர்கள் - தீயாய் பரவும் வீடியோ

சென்னை ஆலந்தூர் அருகே, மக்கள் குறைதீர்ப்பு கூட்டத்தில் பங்கேற்கவந்த அமைச்சர் மற்றும் அதிகாரிகளுக்கு குப்பை வண்டியில் நாற்காலிகளை கொண்டு வந்த சம்பவம் முகம் சுளிக்க வைத்துள்ளது. பரணிபுத்தூர் ஊராட்சியில் மக்கள் குறைதீர்ப்பு முகாம் நடைபெற்றது. இதில் அமைச்சர் தா.மோ.அன்பரசன் பங்கேற்று, மக்களிடம் குறைகளை கேட்டறிந்து மனுக்களை பெற்றுக் கொண்டார். இந்நிலையில், அமைச்சர் மற்றும் அதிகாரிகளுக்கு குப்பை வண்டியில் நாற்காலிகளை கொண்டுவந்த வீடியோ வைரலாகி வருகிறது.