எக்குத்தப்பாக மாறிய Prank வீடியோ - Prankster ராகுல் மீது பரபரப்பு புகார்

பொதுமக்களை அச்சுறுத்தும் வகையில், ஆயுதங்களைக் கொண்டு பிராங்க் வீடியோ வெளியிட்ட பிராங்க்ஸ்டர் ராகுல் மீது நடவடிக்கை எடுக்கக்கோரி காவல் ஆணையர் அலுவலகத்தில் புகார் அளிக்கப்பட்டுள்ளது.

ராகுல், பிராங்க் செய்த வீடியோ ஒன்று சமூக வலைதளங்களில் வைரலாகி வருகிறது.

அதில் துணிக்கடை ஒன்றில் வரக்கூடிய வாடிக்கையாளர்களிடம் வீண் தகராறில் ஈடுபட்டு, அவர்களிடம் ரவுடியை போல அரிவாளை காட்டி மிரட்டும் வகையில் அமைந்துள்ளது.

இந்த ப்ராங்க் வீடியோ, பொதுமக்களை அச்சுறுத்தும் வகையில் ஆயுதங்களைக் கொண்டு மிரட்டும் தொனியில் அமைந்துள்ளதாக ரோஹித்குமார் என்பவர் காவல் ஆணையர் அலுவலகத்தில் புகார் ஒன்றை அளித்துள்ளார்.