திடிரென கட்டுப்பாட்டை இழந்த கார்.. அதிவேகமாக மரத்தின் மீது மோதல் - நிலைகுலைந்த குடும்பம்.. சம்பவ இடத்திலேயே...

பர்கூர் அருகே மரத்தின் மீது கார் மோதிய விபத்தில் ஒருவர் உயிரிழந்த நிலையில், 11 பேர் படுகாயமடைந்தனர். வேலூர் மாவட்டத்தைச் சேர்ந்த அப்துல் ரகுமான் என்பவர் தனது குடும்பத்தினருடன், கிருஷ்ணகிரி மாவட்டம், சின்ன பர்கூர் - வாணியம்பாடி பிரிவு சாலையில் சென்று கொண்டிருந்தார். அப்போது, எதிர்பாராத விதமாக, ஓட்டுநரின் கட்டுப்பாட்டை இழந்த கார், சாலையோரம் இருந்த மரத்தின் மீது மோதி விபத்துக்குள்ளானது. இதில், காரில் பயணித்த அப்துல் பாஷா என்பவர் சம்பவ இடத்திலேயே உயிரிழந்தார். கார் ஓட்டுநர் உள்பட உடன் பயணித்த 11 பேரும் படுகாயங்களுடன் மருத்துவமனையில் அனுமதிக்கப்பட்டுள்ளனர்.