"பழைய பகை.. அதான் பத்தவச்சோம்.." 15 நாட்களே ஆன புதிய பைக் - சிசிடிவி- யில் சிக்கிய 3 பேர்

சென்னை, அமைந்தகரையில் இருசக்கர வாகனத்திற்கு தீ வைத்த வழக்கில், 3 பேர் கைது செய்யப்பட்டுள்ளனர். அமைந்தக்கரை எம்.எச்.காலனி பகுதியைச் சேர்ந்த கனவல்லி என்பவர், கடந்த 10ம் தேதி தனது இருசக்கர வாகனத்தை வீட்டு வாசலில் நிறுத்திச் சென்றார். அப்போது நள்ளிரவில் வந்த மர்ம நபர்கள், வாங்கி 15 நாட்களே ஆன புதிய இருசக்கர வாகனத்தை தீயிட்டு கொளுத்தினர். இந்த சம்பவம் தொடர்பான புகாரின் பேரில், விசாரணை மேற்கொண்ட காவல்துறையினர், சிசிடிவி காட்சிகளின் அடிப்படையில் 3 பேரை கைது செய்தனர். விசாரணையில், முன்பகை காரணமாக, நாச வேளையில் ஈடுபட்டது அம்பலமாகியுள்ளது.