5 லட்சம் மதிப்புள்ள கேமராக்கள் திருட்டு... பழுதான சிசிடிவி கேமரா - குஷியில் திருடன்

புதுச்சேரி மாநிலம் காரைக்காலில் ஜோபின் ஜார்ஜ் என்பவருக்கு சொந்தமான ஸ்டுடியோ கதவை உடைத்து மர்ம நபர்கள் கைவரிசை காட்டியுள்ளனர். 5 லட்சம் மதிப்பிலான விலை உயர்ந்த வீடியோ கேமரா மற்றும் கல்லா பெட்டியில் வைக்கப்பட்டு இருந்த 12 ஆயிரம் ரூபாய் ரொக்கம் ஆகியவற்றை மர்ம நபர்கள் திருடி சென்றுள்ளனர். இது குறித்த புகாரின் பேரில் போலீசார் வழக்கு பதிவு செய்து குற்றவாளிகளை தேடி வருகின்றனர். திருட்டு சம்பவம் நடைபெற்ற பகுதியில் உள்ள அனைத்து மகளிர் காவல் நிலையத்தில் அமைக்கப்பட்டு இருந்த சிசிடிவி கேமரா பழுதாகி இருந்ததால் கொள்ளையர்களை பிடிப்பதில் தாமதம் ஏற்பட்டுள்ளதாக கூறப்படுகிறது.