கொடுவாளால் கொடூர தாக்குதல்.."எனது நிலத்தில் விழுந்த மரம் எனக்குதான் சொந்தம்" தேக்குமரத் தகராறால் சலசலப்பு

தர்மபுரி மாவட்டம் பாலக்கோடு அருகே, தேக்குமரத்திற்கு உரிமை கொண்டாடி நடந்த தகராறில் ஒருவர் படுகாயமடைந்தார். சக்திவேல் என்பவருக்கு சொந்தமான விவசாய நிலத்தில் இருந்த தேக்குமரம் சாய்ந்து பக்கத்து நிலமான காண்டீபன் என்பவரது நிலத்தில் விழுந்தது. அதனை வெட்டச் சென்ற சக்திவேலுக்கும், கான்டீபனுக்கும் இடையே தகராறு ஏற்பட்டது. தனது நிலத்தில் விழுந்த மரம் தனக்குதான் சொந்தம் என காண்டீபன் தகராறில் ஈடுபட்டார். அப்போது, கொடுவாளால் தாக்கப்பட்டதில், சக்திவேல் படுகாயமடைந்தார். இதுதொடர்பான புகாரின் பேரில், காண்டீபன் மற்றும் அனந்தராமன் ஆகிய இருவரை போலீசார் கைது செய்து சிறையில் அடைத்தனர்.