கேரளாவில் படகு கவிழ்ந்து விபத்து.. 22 பேர் உயிரிழப்பு தொடர்ந்து உயரும் பலி எண்ணிக்கை...!

கேரளா மாநிலம் மலப்புரம் மாவட்டத்திலுள்ள தனூர் - பரப்பனங்காடி கடற்கரையில் 30க்கும் மேற்பட்டோர் படகில் உல்லாச பயணம் செய்தனர். அவர்கள் சென்ற படகு திடீரென கவிழ்ந்து விபத்துக்குள்ளானது. இதில் சம்பவ இடத்திலேயே ஒரு பெண் மற்றும் குழந்தைகள் உள்பட 22 பேர் பலியாயினர். நீரில் மூழ்கியவர்களை மீட்கும் பணியில், மலப்புரம் மற்றும் கோழிக்கோடு பகுதிகளில் இருந்து வந்த தீயணைப்பு வீரர்கள், மீட்புப்படையினர் மற்றும் போலீசார் ஈடுபட்டுள்ளனர். இதனிடையே ஒருங்கிணைந்த அவசர நடவடிக்கைக்கு கேரள முதலமைச்சர் அதிகாரிகளுக்கு உத்தரவு பிறப்பித்துள்ளார்.