நண்பர்களுடன் கொண்டாட்டத்தில் ஈடுபட்ட போது விபரீதம்.....

தூத்துக்குடி அருகே உப்பாற்று ஓடையில் படகிலிருந்து தவறி விழுந்த கல்லூரி மாணவர் சடலமாக மீட்கப்பட்ட சம்பவம் சோகத்தை ஏற்படுத்தியுள்ளது.

தூத்துக்குடி பாத்திமா நகரை சேர்ந்தவர் கல்லூரி மாணவர் ஜெனிஷ்டா. இவர் சென்னையில் உள்ள கல்லூரியில் படித்து வந்த நிலையில், விடுமுறைக்காக சொந்த ஊருக்கு வந்ததுள்ளார். அப்போது, ஜெனிஷ்டா மற்றும் அவர்களுடைய நண்பர்கள் சேர்ந்து இரவில் அனல் மின் நிலையம் அருகே உள்ள உப்பாற்று ஓடையில் படகில் சென்றுள்ளனர். அங்கு உற்சாக மிகுதியில் படகில் அனைவரும் நடனமாடியதால் படகு கவிழ்ந்துள்ளது. இதில், அணைத்து மாணவர்களும் கரை ஏறிய நிலையில், ஜெனிஷ்டாவை மட்டும் காணாததை கண்டு நண்பர்கள் அதிர்ச்சியடைந்தனர். உடனே, தகவலின் அடிப்படையில் சம்பவ இடத்திற்கு வந்த போலீசார், உப்பாற்று ஓடையில் ஆழமான பகுதியில் சிக்கி இருந்த ஜெனிஷ்டாவை சடலமாக மீட்டனர். இந்த சம்பவம் பெரும் சோகத்தை ஏற்படுத்திய நிலையில், போலீசார் விசாரணை நடத்தி வருகின்றனர்.