ராகுல்காந்தி டி சர்ட் குறித்து பாஜக விமர்சனம்.. "பிரதமர் மோடியின் கோட் சூட் குறித்தும்..." காங்கிரஸ் கொடுத்த பதிலடி

டைபயணத்தின் போது ராகுல்காந்தி அணிந்திருந்த டி சர்ட்(T-Shirt) 41 ஆயிரம் ரூபாய் மதிப்பிலானது என பாஜக விமர்சித்திருந்த நிலையில், ராகுல்காந்திக்கு மக்கள் அளிக்கும் ஆதரவை பார்த்து பாஜக அஞ்சுவதாக காங்கிரஸ் பதிலடி கொடுத்துள்ளது.

கன்னியாகுமரி முதல் காஷ்மீர் வரை நடைபயணம் மேற்கொண்டு வரும் ராகுல்காந்தி இன்று அணிந்திருந்த டி சார்ட் விலை 41 ஆயிரம் ரூபாய் கொண்ட‌து என பாஜக டுவிட்டர் பக்கத்தில் விமர்சித்திருந்த‌து.

இதற்கு காங்கிரஸ் வெளியிட்டுள்ள டுவிட்டர் பதிவில், உடைகளைப் பற்றி விவாதிக்க வேண்டும் என்றால், பிரதமர் மோடியின் 10 லட்சம் ரூபாய் கோட் சூட்(Coat Suit) குறித்தும், ஒன்றரை லட்சம் ரூபாய் கண்ணாடி குறித்தும் விவாதிக்கலாம் என பதிலடி கொடுத்துள்ளது..