வீட்டில் புகுந்த மெகா சைஸ் உடும்பு - அலேக்காக கையில் தூக்கிய வனத்துறையினர்

கடையம் அருகே வீட்டிற்குள் புகுந்த உடும்பை வனத்துறையினர் பத்திரமாக மீட்டனர். தென்காசி மாவட்டம், கடையம் அருகே முதலியார்பட்டி பகுதியைச் சேர்ந்தவர் சிந்தா மதார். இவரது வீட்டின் படிக்கட்டிற்கு அருகே உடும்பு இருந்ததையடுத்து, வனத்துறையினருக்கு தகவல் தெரிவிக்கப்பட்டது. சம்பவ இடத்திற்கு விரைந்த வனத்துறையினர், சுமார் 2 மணி நேர போராட்டத்திற்கு பிறகு, எவ்வித காயமுமின்றி மூன்று அடி நீளமுள்ள உடும்பை மீட்டனர். பின்னர், மீட்கப்பட்ட உடும்பு வனப்பகுதிக்குள் விடப்பட்டது.