"95 பெண் பிள்ளைகளுக்கு தலா ரூ.2 ஆயிரம்"-91-வது பிறந்த நாளை கொண்டாடிய மூதாட்டி- கடலூரில் நடந்த நெகிழ்ச்சி சம்பவம்

கடலூர் மாவட்டம் சேத்தியாதோப்பு அருகே 91வது பிறந்த நாளை கொண்டாடிய மூதாட்டி ஒருவர், 95 பெண் பிள்ளைகளுக்கு தலா 2 ஆயிரம் ரூபாய்க்கான காசோலைகளை வழங்கினார்.
வாக்கூர் கிராமத்தைச் சேர்ந்த சேதுமணி வேணுகோபால் என்ற மூதாட்டிக்கு 91 வயதாகும் நிலையில், இவருடைய பிறந்த நாளை அவருடைய பிள்ளைகள் கிராம மக்களோடு இணைந்து உற்சாகமாக கொண்டாடினர்.
அப்போது, 95 பெண் பிள்ளைகளுக்கு தலா 2 ஆயிரம் ரூபாய்க்கான காசோலை வழங்கப்பட்டது. மேலும், கிராம மக்களுக்கு வேட்டி, சேலை உள்ளிட்டவைகளும் வழங்கப்பட்டன.