காவலாளியை மனிதாபிமானமின்றி கடுமையாக தாக்கிய "பவ்யம்" இல்ல பவ்யா ராய்

உத்தர பிரதேச மாநிலம் நொய்டாவில் காவலாளியை ஆபாச வார்த்தைகளில் திட்டி, கடுமையாக தாக்கிய பெண் கைது செய்யப்பட்டார்... தனக்கு கீழ் வேலை பார்ப்பவர்களை ஒரு சிலர் நாயை விட கேவலமாக நடத்துவதை நாமே ஆங்காங்கு கண்கூடாக பார்க்கிறோம்... அப்படித்தான் நொய்டாவில் ஒரு சம்பவம் நிகழ்ந்துள்ளது... பெயர் தான் பவ்யா ராய்... ஆனால் கொஞ்சம் கூட "பவ்யம்" இல்லாமல், கதவு திறக்க தாமதமாகியதால் கோபத்தின் உச்சிக்கே சென்று காவலாளியை சகட்டு மேனிக்கு ஆபாசமாக திட்ட ஆரம்பித்து விட்டார். அதிலும் ஒரு படி மேலே போய் காவலாளியை பவ்யா தாக்கத் துவங்கிய வீடியோ இணையத்தில் அதிகம் பகிரப்பட்டது... விளைவு... பவ்யா ராய் தற்போது காவலர்களால் கைது செய்யப்பட்டு, 14 நாட்கள் நீதிமன்ற காவலில் வைக்கப்பட்டுள்ளார்.