" எனக்கு வலிமையை வழங்கியது பகவத் கீதை தான்.." - ஆளுநர் ஆர்.என்.ரவி

சென்னை சேத்துப்பட்டில் உள்ள தனியார் மண்டபத்தில் விஷ்வாஷ் குளோபல் குழு பள்ளி மாணவர்களை ஒருங்கிணைத்து கோடை கால இசை நிகழ்ச்சி நடைபெற்றது. இந்நிகழ்ச்சியில் சிறப்பு விருந்தினராக பங்கேற்ற தமிழ்நாடு ஆளுநர் ஆர்.என்.ரவி, தற்போது உலகம் பல்வேறு பிரச்சனைகளை சந்தித்து வருகிறது என்றார்.

இந்நிலையில், ஆழமான கருத்துக்களை கொண்ட பகவத் கீதையின் கருத்துக்களை ஒரு முறை மனப்பாடம் செய்து கொண்டால் சிறந்த மனிதராக உருவாக்கும் என கூறினார். பகவத் கீதையின் அர்த்தத்தை யாராலும் முழுமையாக புரிந்து கொள்ள முடியாது என்றும், குருக்கள் ஞானிகளால் கூட இதன் அர்த்தத்தை முழுமையாக அறிந்து கொள்ள முடியாது என்றும் ஆளுநர் ஆர்.என்.ரவி தெரிவித்தார்.

பல்வேறு விமர்சனங்களை சந்தித்த நிலையில் பகவத் கீதை தமக்கு வலிமையை தந்துள்ளதாக கூறினார்.