சீட்டுக்கட்டாய் சரிந்த தென் ஆப்பிரிக்கா...மிரட்டிவிட்ட ஆஸ்திரேலிய பவுலர்கள்

பாக்சிங் டே டெஸ்ட் போட்டியின் முதல் இன்னிங்சில் அடுத்தடுத்து விக்கெட்டுகளை இழந்து தென் ஆப்பிரிக்கா தடுமாறி வருகிறது. மெல்போர்னில் ஆஸ்திரேலியா - தென் ஆப்பிரிக்கா இடையிலான பாக்சிங் டே டெஸ்ட் போட்டி இன்று காலை தொடங்கியது. இதில் டாஸ் வென்ற ஆஸ்திரேலியா பந்துவீச்சை தேர்வு செய்தது. தொடர்ந்து களமிறங்கிய தென் ஆப்பிரிக்காவில் கேப்டன் எல்கர் 26 ரன்னுக்கும், எர்வி 18 ரன்னுக்கும் ஆட்டமிழந்தனர். டி ப்ரூன் 12 ரன்னுக்கு ஆட்டமிழக்க, பவுமா மற்றும் சான்டோ ஒற்றை இலக்கத்தில் வெளியேறினர்.