"ஆகஸ்ட், செப்டம்பர்..." - திருப்பதி செல்லும் பக்தர்களுக்கு குட் நியூஸ்

திருப்பதி ஏழுமலையானை வழிபடுவதற்கான 300 ரூபாய் தரிசன டிக்கெட்டுகளை திருமலை திருப்பதி தேவஸ்தானம், வரும் 25ஆம் தேதி ஆன்-லைனில் வெளியிட உள்ளது. ஆகஸ்ட், செப்டம்பர் மாதங்களுக்கான டிக்கெட்டுகள், நாளொன்றுக்கு 11 ஆயிரம் என்ற எண்ணிக்கையில் ஏற்கனவே வெளியிடப்பட்டுள்ளன. இந்நிலையில், நாளொன்றுக்கு கூடுதலாக 4 ஆயிரம் டிக்கெட்டுகளை தேவஸ்தானம் வரும் 25-ஆம் தேதி வெளியிட உள்ளது. இதுதவிர, அக்டோபர் மாதத்தில் நாளொன்றுக்கு 15 ஆயிரம் என்ற எண்ணிக்கையில், 300 ரூபாய் டிக்கெட்டுகளையும் 25ஆம் தேதி தேவஸ்தானம் ஆன்லைனில் வெளியிட உள்ளது. டிக்கெட்டுகள், டோக்கன்கள் குறித்து இணையதளத்தில் முன்பதிவு செய்து கொள்ளலாம் என தெரிவிக்கப்பட்டுள்ளது.