"மன்னிப்பு கேட்க வேண்டும்..." பாஜக தலைவரை சுற்றி வளைத்த விசிக கட்சியினர் - அரியலூரில் பரபரப்பு

அரியலூரில், பாஜக பட்டியலின தலைவர் தடா பெரியசாமியின் காரை வழிமறித்து, விடுதலை சிறுத்தைகள் கட்சியினர் வாக்குவாதத்தில் ஈடுபட்டதால் பரபரப்பு நிலவியது.
பாஜக நிர்வாகியின் இல்லத்தில், பிறந்த நாள் விழாவிற்காக தடா பெரியசாமி சென்று கொண்டிருந்தார்.
அப்போது, அவரது காரை வழிமறித்த விடுதலை சிறுத்தைகள் கட்சியினர், விசிக தலைவர் திருமாவளவனை அவதூறாக பேசியதற்காக மன்னிப்பு கேட்க வேண்டுமெனக் கூறி வாக்குவாதத்தில் ஈடுபட்டனர்.
பின்னர், சம்பவ இடத்திற்கு போலீசார் வந்து, பேச்சுவார்த்தை நடத்தி தடா பெரியசாமியை அங்கிருந்து அனுப்பி வைத்தனர்.