நேரில் வந்த 'அரிச்சந்திரன்'.. ஆடிப்போன தஞ்சை கலெக்டர்

தஞ்சையில் நாடக கலைஞருக்கான அடையாள அட்டையை, அரிச்சந்திரன் கெட்டப்பில் வந்து நாடக கலைஞர் ஒருவர் பெற்று சென்றார். பேராவூரணியை சேர்ந்த சீனிவாசன் என்பவர் கடந்த 30 ஆண்டுகளாக நாடகங்களில் நடித்து வருகிறார். இந்நிலையில் தமிழகம் முழுவதும் நாடக கலைஞர்களுக்கு அடையாள உறுப்பினர் அட்டை வழங்கப்பட்டு வரும் நிலையில், சீனிவாசனும் அடையாள அட்டை பெற ஆட்சியர் அலுவலகம் சென்றுள்ளார். அப்போது, தான் நாடகங்களில் அணியும், அரிச்சந்திரன் வேடம் அணிந்து அவர், அடையாள அட்டையை பெற்றார். அதை தொடர்ந்து காவிரி காவலனே நீ வாழ்க என தஞ்சை மாவட்ட ஆட்சியரை பாடல் பாடி பாராட்டினார்.